امير ابڙو

امير ابڙو: ڪھاڻيڪار، ڊراما نويس ۽ تعليمي ماهر امير ابڙي جو پورو نالو امير الدين ابڙو آهي. 15 ڊسمبر 1965ع تي هالا ۾ ڄائو. سندس تعليم M.Sc انجينئرنگ آهي. 1989ع کان 2003ع تائين ڪراچي پورٽ ٽرسٽ ۾ انجينئر ٿي رهيو. ان کانپوءِ جاپان ۾، ’جاپان انٽرنئشنل ڪوآپريشن ايجنسيءَ‘ ۾ واٽر سپلائي انجينئر طور ڪم ڪيو. گڏوگڏ ڪراچيءَ مان ماهوار ’انڊس‘ رسالو جاري ڪري اُن ۾ دنيا ۽ پاڪستان جي 10 مشھور ليکڪن جا انٽرويو شايع ڪيا. 2009ع کان لنڊن ۾ رهائش اختيار ڪندي ’انڊس ايڊيوڪيشن فائونڊيشن‘ جي نالي سان هڪ ادارو قائم ڪري ان جو چيئرمئن ٿيو. هي ادارو هڪ ئي وقت برطانيا ۽ پاڪستان ۾ ڪم ڪري ٿو. مٽياري، نوشھري فيروز ۽ سانگهڙ ضلعي جا 33 اسڪول هن اداري جي نگراني هيٺ هلي رهيا آهن. سندس ڪيتريون ئي تحريرون مختلف اخبارن ۽ رسالن ۾ شايع ٿيل آهن. ’انڊس پبلشرس‘ جي نالي سان هڪ اشاعتي ادارو قائم ڪري ڪجهه ڪتاب پڻ ڇپرايا. سندس ڇپيل ڪتابن ۾: ”هڪ ڪانئر جو موت (ڪھاڻيون، ناوليٽ 1995ع)“، ”عورت بنا سيارو“ (ناروي جو سفر نامو: 1997ع)، ”ٻئي درجي جي زندگي“ (ڪالم ۽ مضمون)، ”Land of Mid Night (2003)“ ۽ ”Historical Interviews (2022)“ شامل آهن. پاڻ هن وقت لنڊن ۾ رهائش پذير آهي

داخلا ۾ استعمال ٿيل تاريخون

1965.12.15  عيسوي

ڪھاڻيڪار، ڊراما نويس ۽ تعليمي ماهر امير ابڙي جو پورو نالو امير الدين ابڙو آهي. 15 ڊسمبر 1965ع تي هالا ۾ ڄائو.

شخصيتون - ڀاڱي جون ٻِيون داخلائون